MSM
ذهبي
عدد الرسائل : 60
تاريخ التسجيل : 30/11/2008
 | موضوع: قصيده جديده للشاعر حامد زيد  الأحد نوفمبر 30, 2008 9:13 pm | |
|
هذا الخطا اللي ماتوقعـت يخطيـه
شف كيف كشّر طيّب القلـب نابـه
أثر الحسد لاعشعش بصدر راعيـه
يجعل من قلـوب الحبايـب ذيابـه
اللي تعلـم مـن سكوتـي تماديـه
علمنـي استقبـل خطـاه برحابـه
والواجب انه لوجحد فزعتـي فيـه
مايجحد حقـوق النسـب والقرابـة
وانا اللي يوم ان المصايـب تبكيـه
كنت اقرب إله بضيقته مـن ثيابـه
اللي تعـاف اولـه ينعـاف تاليـه
وانا كفى صدري من الغيـظ مابـه
من لاوقف لي وقفة رجـال مابيـه
يغني عن حضور المقفّـي غيابـه
من لافزع بالكايدة مع بنـي خيـه
وقت الرخا مايحسب حسـاب لابـه
علمت غيري كيف لاصـد ماجيـه
وانـا تعلمـت الصبـر والصلابـة
لأن الشجاع ان مالقى من يواسيـه
ان مانشدته مـا علمـت بمصابـه
مادام بعدي عن رفيقـي بيرضيـه
نذرٍعلـي انـي فـلاطـق بـابـه
عيب التفت في جاه مخلوق وادعيه
وللمبتلـي ساعـة دعـا مستجابـه
الضعف ماطيقه ولااطيـق طاريـه
والدمـع لايـرقـى ولا ينرقـابـه
والحلم يغنيني عـن الكبـر والتيـه
والظلـم محصينـي كآبـه كـآبـه
ان ماجمعت اوجيه مافـرّق وجيـه
ومـن لابنيتـه ماسعيـت بخرابـه
وانا لو انـي بلتفـت بلتفـت ليـه
الرمـح غالـي والفريسـة ذبابـه
بدري على احسب له حساب واوجيه
وبدري عليه يشيلني مـن حسابـه
كاني عتقتـه بأعتقـه رأفـةٍ فيـه
إلا الطلابـة ماخشيـت الطـلابـة
مهب على شانه ,عشان المشاريـه
سامحت طيشـه وابتليـت بعذابـه
اليا كسر في خاطرك شخص تغليـه
حتى المعاتب تستحي مـن عتابـه
اللي سكن صدري من الغيظ يكفيـه
ملـت تفاصيلـي سكـوت ورتابـه
اللي بيدخل فـي مزاجـي بأسويـه
وبخاطب الفـظ الغليـظ بخطابـه
مثل الغلا اللي باخذه منـه بعطيـه
ويسمع جوابي مثل ماسمـع جوابـه
لو كل شخص بيحتقر في باخاويـه
ماكان حزت من المراجـل مهابـه
ياهيه مثلـي مايقولـون لـه هيـه
مـدري متـى تتعلمـون الذرابـة
اللي معلمـك الكتابـة علـى يديـه
لمحة بصر ويبعثـرك مـن كتابـه
ومثلي لامن قلت لـك قـولٍ يوفيّـه
والقرم لامـن وكّـد العلـم جابـه
سمّه تحـدي سمّـه اللـي تسمّيـه
بس الوكاد انـه مهـوب استجابـه
اللي مهـب قـد المواجـه يخليـه
ومن لاقـدرت تهيّبـه منـك هابـه
الله يعـز وجيـه ويطمـن وجيـه
وحنا بشر لكن بشر وسـط غابـه
ومن لافزع بالكايـدة مـع بنيخيـه
وقت الرخا مايحسب حسـاب لابـه
| |
|
شعري كدش من ال
ذهبي
عدد الرسائل : 174
تاريخ التسجيل : 10/11/2008
| | موضوع: رد: قصيده جديده للشاعر حامد زيد الإثنين ديسمبر 01, 2008 5:02 am | |
| مشكووووووووور أخوي الشعر رروعة
وإلى الأمام دائماً ... | |
|
MSM
ذهبي
عدد الرسائل : 60
تاريخ التسجيل : 30/11/2008
| | موضوع: رد: قصيده جديده للشاعر حامد زيد الإثنين ديسمبر 01, 2008 5:17 am | |
| - Admin كتب:
- مشكووووووووور أخوي الشعر رروعة
وإلى الأمام دائماً ... شكرا على مروركـ لاعدمناكـ | |
|
إحــــساآس ضفـــــــدع
ذهبي
عدد الرسائل : 73
تاريخ التسجيل : 13/01/2009
| | موضوع: رد: قصيده جديده للشاعر حامد زيد الخميس يناير 15, 2009 7:46 am | |
| مشكوور وماقصرت شعر أكثر من رائع وانا بصراحهـ احب حامد زييد ولو يجي منهـ أي شئ ررح يكون حلوووووووو تقبــل مروووري | |
|
